ARS'YS

Ur strollad sonerien o tont eus metoù disheñvel eo "Ars'Ys", renet gant Hervé Lesvenan. Eskemmoù, prederiadennoù, taolioù-arnod war dro doareoù a bep seurt da veizañ ha da ijin ar sonerezh. Diwar-se e tiwan raktresoù arzel niverus. Ne vez ket nac'het levezonoù an amzer dremenet eus Bach da Ligeti ha da Ravel, Debussy ha Satie. Liv tonioù jazz hag awenoù keltiek a vez klevet e aozadurioù Hervé Lesvenan.

Gant : Hervé Lesvenan (rener ar sonerezh hag ar c'hlavieroù), Loic Bléjan (uillean pipe), Mera Gliozzi (ograoù doug), Hélène Le Flecher Calonec (violoñs), Eric Lavarec (alto), Kristina Omnès (gourrebed).

BAGAD AN ERGE VRAS

Krouet eo bet ur skol sonerezh a teuo da vezañ Bagad an Erge Vras, e 1986, en Erge Vras, diwar-benn menoz Pascal Rode ha Suzanne Lozac’h.Er bagad ez eus un daou ugent soner bennak. Kemer a ra perzh abaoe 1995 e kampionnad ar bagadoù er pempvet rummad. Tud a zo aet kuit met chom a ra un aergelc'h plijus gant sonerien 7 pe 55 bloaz. Dilhad Bro C'lazig a zo ganto, broderezh glaz ha gwer, livioù ar gêr. 

Kenaozañ a ra Gouel ar vombard gant BAS Penn ar Bed e miz meurzh.

BAGAD AN ERGE VIHAN

Krouet eo bet Bagad an Erge Vihan e 1954 gant Jean Quere, soner er bagad Kemper, ha Jean Foucaud, ha plijadur o deus re ar bagad da ginnig d'an dud sonerezh Breizh a vremañ. Bep sizhun, o seniñ bombard, binioù bras pe c'hoazh taboulinoù, ar re a zo o teskiñ a zigor o spered war anaoudegezh ar broioù ha sevenadur Breizh. Ar bagad a zo dibaoe ar bloavezhioù 80 e trede rummad kampionad Breizh ar bagadoù. Kemer a ra perzh ivez e kenstrivadegoùevel re Menez-meur, Emgavioù ar vombard en Erge Vras, Gouelioù meur Kerne…Gouest eo ar bagad da ginnig tonioù a bep seurt, da vale pe da zañsal.

BAGAD AR MEILHOU GLAZ

Krouet e 1951, "Bagad ar Meilhoù Glas" a zo unan eus ar bagadoù koshañ e Breizh. Abaoe 1982 e kemer perzh ar bagad e Kampionad ar bagadoù aozet gant Bodadeg Ar Sonerien. E 1988 eo trec'h e kenstrivadeg an trede rummad, neuze e vez aotreet en eil rummad hag e ya ar maout gantañ div wech er rummad-se e 1991 hag e 1994. A-benn ar fin emañ er rummad kentañ abaoe 1995, neuze emañ e-touez ar bagadoù gwellañ e Breizh.

BAGAD AR RE GOZ

Krouet e 1973, ar bagad a zo dreist-holl, un amicale sonerien, o deus c'hoariet gant a bep seurt bagadoù e Breizh. Abalamour d'an dra-se o deus gwiskamantoù disheñvel : glazik evit Bro Gemper, bigoudenn gant broderezhioù pinvidik eus Pont'n Abad, melenik eus Bro Elian, duik eus bro-Foenn, hep disoñjal broioù an Aven, ar C'hap ha dilhad ar besketourien. E-barzh roll sonioù ar Bagad ez eus tonioù-bale, tonioù dañs awenet gant hengoun Breizh. Kemer a ra perzh e gouelioù folklorel e Bro-C'hall hag e Breizh.

BAGAD KEMPER

Aet eo 19 gwech ar maout gant Bagad Kemper e kampionad Breizh ar bagadoù, ha bevet en deus kalz traoù, liammet gant ar sonerezh pe gant traoù all, war leurennoù broioù all ar bed, o tiskouezh nerzh sevenadur Breizh.

Ar bagad, a ra gant tonioù nevez e liamm gant hengoun Breizh, pe tonioù hengounel nevesaet, pe c'hoazh tonioù rannvroioù all, a laak anezhañ da vezañ unan eus ar re a ra ar gwellañ ur sonerezh Breizh digor war ar bed.

Ar Bagad Kemper en deus kemeret perzh e meur a zarvoud er vro pe er bed a bezh (Galis, China, Bro Skos, Bro Saoz, Austria, Gabon, Portugal).

BAGAD KERNE

Bagad diwezhañ an eizh a zo e Kemper, ar bagad a zo, en trede rummad. Savet eo ar bagad gant sonerien yaouank ha sonerien barrek o deus dibabet da adsevel un nevez daeadenn gant ar bagad-se a zo en e benn, Erwan Ropars.

BAGAD PENHARS

Krouet e 1985, bagad Penharz a zo e-touez bagadoù yaouankañ Kemper. Abaoe 1996 emañ ar bagad en eilvet rummad. A re yaouankañ a zo stummet ivez e-barzh ar bagadig. Gwelet e vez ar bagad er gouelioù meur (Gouelioù meur Kerne, Gouelioù ar Gelted en Oriant, gouelioù "Coruña" e Galisia...), hag er sonadegoù, er festoù-noz.

BAGAD SANT-PADRIG

Bagad Sant-Padrig en deus an dibarded da vezañ liammet e vuhez gant ar skouted. Evit gwir, dibaoe krouadur ar bagad e 1952, an dud a zo, da gentañ tout, o tont eus strollad Sant-Padrig Skouted Unvanus Kemper.

E-kichen ar skouted, ar bagad en deus ar c'hoant da zedenniñ ha stummañ un tamm bihan ar skouted war sonerezh Breizh. Da vare abadennoù a bep seurt a zo e-pad ar bloavezh, ar bagad, a heul kamp skouted, a c'hoari bep hañv, en ur rannvro gall disheñvel, ha reiñ a ra da welet petra eo Kemper, Breizh ha sevenadur Breizh. Ar bagad eo kentoc'h ur skol pe ur bagadig a gelenn sonerezh hengounel Breizh eget ur gwir bagad ; izili ar bagad a zo yaouank hag e cheñchont alies. Neuze ne gemer ket perzh Bagad Sant Padrig e kenstrivadegoù bagadoù ar B.A.S., gwelet e vez e degouezhioù all : kenstrivadegoù bombard, biniou bras ha taboulinoù Bro-Skos...

BOGADEG AR SONERIEN PENN AR BED

Krouet e 1964 karg Bodadeg ar Sonerien a zo ober war-dro ha merañ stummadur ar sonerien, ar c'hentelioù hag ar manifestadegoù sonerezh e Penn ar Bed. En o zouez e kavomp bagadoù Penn ar Bed ha sonerien all.

Aozañ a ra ivez BAS kenstrivadeg ar bagadoù pempvet rummad, "Devezh ar binioù bras", "Gouel ar vombard" en Erge Vras, "Bagadañs" e Karaez.. Stummañ war ar sonerezh hag ar sevenadur, setu kefridi gentañ B.A.S gant 10 kelenner a ginnig kelenn d'ar strolladoù, deskiñ ha pleustriñ war ar binviji sonerezh (bombard, biniou bras, taboulinoù) hag ar solfej, anavezout broioù Breizh, tañva sevenadur Breizh... Un nebeud stajoù digoret d'an holl a vez kinniget da vont da heul ar c'helenn. Abadennoù a bep seurt a vez aozet a-hed ar bloaz (kenstrivadegoù, sonadegoù, diskouezadegoù, emgavioù...).

DASTUM BRO GERNE

Krouet e 1999, ti nevez Dastum e bro Gerne en deus ar pal da zastum ha lakaat war wel glad sevenadurel Breizh, o pouezañ war an hengoun dre gomz ha sonerezh hengounel. Enrollañ a ra rouedad tud a youl vat Dastum bro Gerne, kanaouennoù, kontoù, ha komzoù an dud, daspugn a ra ivez dielloù skrivet ha treset. Aozañ degouezhadennoù sevenadurel hag embann a zo ivez labour Dastum. Moaien a zo d'an dud, dont evit lenn ha selaou traoù dastumet.

DREMMWEL

Abaoe ur pemzek vloaz bennak emañ ar strollad Dremmwel war an hent gant e sonerezh Breizh, etre festoù-noz ha sonadegoù, etre tavarnioù ha c'hoarivaoù kenkoulz e Breizh, e bro C'hall hag er broioù estren (Belgia, bro Gembre, bro Suis, bro Skos, Aostria, Amerika, Iselvroioù…). Bombard, biniou, hirvombard, akordeoñs, violoñs, gitar ha taboulinoù… a glot mat an eil re gant ar re all : sonerezhioù hengounel Breizh, pinvidikaet gant kizidigezh ar pemp soner.

KANERIEN SANT MERYN

Krouet e 1983, pal al laz-kanañ eo brudañ sevenadur Breizh gant ar c'han. Kanañ oberennoù hengounel kenkoulz hag o krouiñ reoù nevez eo chomet ar gevredigezh feal d'ar pal-se. Ezel eo eus ar c'hevredad Kendalc'h. Kemer a ra perzh bep bloaz en emgav lazoù-kanañ "Breizh a gan". Kinnig a ra koñsertoù dre ar vro hag er broioù estren ivez : Alamagn, Bro-Spagn, Kembre. Kasedig kentañ Kanerien Sant Meryn "Salud Breizhiz" a zo bet enrollet e 1992, ar bladenn arc'hant kentañ "E skeud tourioù Leon ha Kerne" a zo bet enrollet e 1996 asamblez gant laz-kanañ "Kenvroiz dom Mikael" eus Plougerne.

LES BRETELLES VERTES

LIRZHIN

Savet e 2000, dibar eo "Lirzhin" pa vod sonerien muzik Breizh (talabarderien, biniaouioù), kanerien, sonerien muzik klasel (hirvombardoù, fleutoù-pigos), muzik jazz (sakseloù) ha rock (taboulinoù), amatourien ha tud a vicher. C'hoari a ra 'Lirzhin" (allegro) sonerezh Breizh gant levezonoù sonerezhioù ar bed-holl, jazz ha klasel.