Graet eo bet tro kentañ ar skrivadeg e brezhoneg evit Bro Gemper, d’an 8 a viz meurzh, e Kemper. Aet eo ar maout evit rummad ar re CE hag oadourien o teskiñ gant Eloise Primault, Roxane Montfort ha Klervi Rouyer. Er rummad CM hag oadourien live etre, eo aet gant Delphine Primault, Lisa Rouyer, hag Anita Chanard. Er rummad skolaj hag oadourien barrek eo aet gant Laetitia May Le Guelaff, Gwenole Calonec, ha Chloé Primault. Er rummad lise hag oadourien ampart eo aet gant Youenn Calonec, Mari Monchicourt, ha Marie Ar Rouz. Evit ar rummad oadourien live uhel eo aet gant Loeiz Moullec, Mael L’Hopiteau, ha Rafael Urien. Ar re-se a c’hello mont d’an eil tro a vo dalc’het er Faou, d’ar 17 a viz Mae. Trugarez vras da Padrig an Habask evit bezañ lennet an destenn, da Anna ar Beg, Loig Jade, Yanig Laporte, ha Tangi Louarn evit bezañ difaziet an traoù.