Abaoe pell, kevredigezh Dastum Bro Gerne (Kreizenn ar glad dre gomz e Kerne), en doa c’hoant sevel ur gouel diwar-benn ar c’han hengounel. O kejañ gant dilennidi hag ivez gant tud Ar Yeuc’h eo bet dibabet sevel ar gouel kentañ diwar-benn ar c’han hengounel, anavezet «An Diaoul A Gan»*, e miz Ebrel 2007.

Ur gouel diwar-benn ar c’han hengounel er Yeuc’h, ‘blam da betra ? Abaoe pell, kevredigezh Dastum Bro Gerne (Kreizenn ar glad dre gomz e Kerne), en doa c’hoant sevel ur gouel diwar-benn ar c’han hengounel. O kejañ gant dilennidi hag ivez gant tud Ar Yeuc’h eo bet dibabet sevel ar gouel kentañ diwar-benn ar c’han hengounel, anavezet «An Diaoul A Gan»*, e miz Ebrel 2007. Hor fal eo kinnig ur fest laouennek tro dro ar c’han e Breizh Izel, ar pep brasañ e brezhoneg, met digor ivez d’an doareoù all da ganañ e Breizh pe e broioù all. Hor c’hoant eo ivez enoriñ daou ganer deus ar C’hreiz Breizh a oriñ deus Poullaouen, aet d’an anaon neus ket gwall bell. ‘Penn kentañ, Loeiz Ropars ‘neus adsavet ar fest-noz, er blovezhioù tri-ugent, lec’h zo tu selaou muzik, tañsal ha kavout darempredoù plijus gant tud a bep seurt oadoù. War-lerc’h e vo enoret ivez Jean-Yves Le Roux, kanet ‘neus e-pad e buhez, desket ‘neus ar c’han ha diskan d’ur rummad kanerien yaouank. Marv eo ivez e fin miz Du 2007. * An Diaoul A Gan, bet dibabet abalamour d’an delwenn a zo e iliz ar Yeuc’h ha d’ar mojenn a zo stag outi.