Savet e oa bet K.L.T. e 1999 evit bodañ kevredigezhioù Bro Vontroulez a rae war-dro yezh ha sevenadur Breizh. An deiz hiziv ez eus un ugent bennak a gevredigezhioù mui e-tro ur c’hant a dud ezel eus K.L.T. Tachennad labour K.L.T a zo lec'hiet war ar peder c’humuniezh kumunioù-mañ : Montroulez Kumuniezh, Kumuniezh Kumunioù Bro Landivizio, Kumuniezh Kumunioù Bro Leon, Kumuniezh Kumunioù Bae ar C’hernig. Gwir kevredad kevredigezhioù breizhek Bro Vontroulez, K.L.T zo e bal kas war-raok ar brezhoneg ha sevenadur Breizh dre reiñ binviji ha sikour d’e izili. K.L.T. zo deuet da vezañ ivez un aozadur a-vicher a implij 8 den hag a gemer poan da :
- diorren ha merañ kentelioù-noz;
- kinnig un tañva eus ar brezhoneg e skolioù-mamm ha skolioù kentañ derez er vro;
- kenaozañ ar festival TAN MIZ DU bep bloaz, e miz Du just a-walc’h;
- kinnig prantadoù dudi e brezhoneg evit bugale skoliataet en hentennoù divyezhek war an amzer skol pe tra-skol;
- titouriñ par ma c’hallomp an holl re a faot dezhe gouzout hiroc’h diwar-benn ar pezh a vez kavet er vro hag e Breizh a-bezh war dachenn yezh ha sevenadur Breizh.
Mar karit dont d'hor gwelet eo mat deoc'h gouzout omp staliet e ti ar Manu e Montroulez. Aze e voc'h degemeret gant Kristian Ar Mener, rener pe gant Veronig Pereira, sekretourez.
http://www.klt.fr/
| 
