Ti ar Vro Kemper, emglev ar c’hevredigezhioù sevenadur Breizh e Bro Gemper

Ti ar Vro Kemper a zo ur gevredigezh krouet e 1996 diwar intrudu Ti Kêr Kemper hag ar c’hevredigezhioù sevenadurel. E 2012, bod a ra un daou-ugent kevredigezh hag izili war o anv :

• sonerezh (bagadoù, lazoù kanañ, strolladoù, gouelioù…)
• dañs (kelc’hioù keltiek, kevreadoù…)
• brezhoneg (skolioù, tiez embann, kentelioù noz, radio…)
• arzoù
• sportoù ha c’hoarioù
• eskemmoù sevenadurel etrevroadel (kuzul geveliañ…)

En holl e ra muioc’h eget 2000 den bodet e Bro Gemper.

Ti ar Vro Kemper a gemer perzh e rouedad an emglevioù bro Breizh :

• e Kerne Izel gant Emglev Bro Douarnenez, Startijenn ar Vro Vigoudenn (Bro Vigoudenn), Tud Bro Konk (Bro Konk Kerne – Aven),
• e Breizh gant an Agence Culturelle Bretonne (An Naoned), Al levrig (Lanuon-Kawan), Emglev Bro An Oriant (An Oriant), K.L.T. (Montroulez), Sked (Brest), Skeudenn Bro Roazhon (Roazhon), Ti ar Vro Leon (Lesneven).

An oberiantizoù

• Kelaouiñ ha teuliaouiñ (Teuliaoueg – kreizenn liesvedia),
• Ar c’hrouiñ arzel,
• Lakaat war wel labour ar re yaouank (fest-noz gant ar skol sonerezh, abadenn Kemper o Tañsal),
• Labourat gant ar skolioù, gant sikour an izili hag e kenlabour gant kevredigezhioù sevenadurel Kemper ha Kerne.

Ti ar Vro Kemper abaoe eo staliet er batis nevez prestet gant Ti kêr Kemper (jimnaz kozh ar Quimperoise) e miz Here 2006 eo deuet da vezañ ul lec’h degemer evit an izili hag ar genlabourerien.

Ar skipailh